ئاگرە بایەک*
بەسەر کاولە کۆشکەکانی
هەوراماندا
گوزەر دەکات
لە تاریکاوەکانی*شارەزووردا
گومڕا دەبێت
لە ژێر تارماییەکانی
پیرشالیار*دا گیردەبێت
لە گۆڕاییەکانی گەرمیاندا
پەپکە دەخواتەوە
دەبێت بە بابەگوڕگوڕ*
******
گەردەبایەک*
لە پیرەمەگروونەوە
بەخورتی هەڵدەکات
لە تیشکە بەیانێکدا*
دەبێت بە قەڵای هەولیر
———
*ئاگرەبا : ئاگر+ با
*تاریکاو : تاریک+ئاو
*پیرشالیار : پیرێکی زەردەشتییە
*بابەگورگوڕ : ئاگرەکەی بابە گوڕگوڕ لە کەرکوک
*گەردەبا : گەردەلوول
*تیشکەبەیان : تیشکی بەیانیان