وينك يا حضن أُمي(باللهجة المحكية)

155

سمية العبيدي/

وينك يا حضن امي
وينك يا بطنها
تغطيني بعبايتها
تنومني بحضنها
**
ما ريد أشوف الزرع
ولا شمشم الوردة
ولا ريد اعلج شمع
ولا كفكف البردة
**
وخواني أحسن زلم
بالأرض يتهاوون
حتى يباري الطفل
يمد أيده والماعون
**
خلوني مثل شليف
مزروعة بالسرداب
وغلكوا عليّ السكف
وذبّوا عليّ تراب
**
اني النسيت اللطف
خل يطفح جنوني
لوليلي يــــم الوَلد
خل تهمد عيوني
**
ما اغفي مثل الخلج
دومي أظل سهران
وينساني حتى الحلم
ويتمشى للجيـــران
**
لازك بكلبي الحزن
ويتفنن فنـــــــونه
يوميّه شكل ولون
ما يخلف ظنـــــونه
**
شننظر من هل..العــمر
غير الحرب ضوجةْ
حسبـالك إحنه ابّــحر
روجةْ تطـك روجةْ
**
لابـــد مــا تنتهي
لو طالـت الكــعده
آخرها ييجي الأجل
وتتسلم الــــوركَه
**
صبرج يا روحي بعد
ما حلّـت اللــــــفـته
يكتبـــها رب السمه
وحي ساعة الفـــلته

سمية العبيدي
صباح 13/ 10 /2016

اترك رد

لن يتم نشر عنوان بريدك الإلكتروني.

آخر المواضيع