ريتك خنجر

134

خضر عباد الجوعاني/

ريتك خنجر…….
وتصير بين ضلوعي
ألولي لجرحك ….
وتهيد بذكرك كل جروحي
أخذ كل شي تريد
وبلا ثمن أهديك روحي
أسولف بيك …..
ليلي ونهاري
أنتَ ضوه دنياي وشمعة داري
أنتَ وحدك معذب أحوالي
يظل دمعي عليك جاري
يالعزيز وأعز من كل غالي
صرت انشودة حزن على لساني
مناطر دروبك سهران طول الليالي
لا تصدك ودكول يوم نساني
تظل وي النبض على بالي
ولو تدري فراكك شعمل بيه يغالي
أنتَ قبلي تبجي على حالي
النار بحشاي……
سعيريه جمر جهنم حركت دلالي
تدري بعدك………
سكر وسد شرياني
ضيعت البصر والسمع بتالي أيامي
ميت فوك الكاع
مارحمني دفاني
لا الدنيا ترحم….
ولا الناس تفهم حالي
ذكراك حطب ناري
غوربت شمس العمر
وأظل لجيتك متاني
مانسيتك……
ولادكول يوم نساني
قلمي…..

الشاعر والأديب
خضر عباد الجوعاني
العراق

اترك رد

لن يتم نشر عنوان بريدك الإلكتروني.

آخر المواضيع